O pasado sábado celebraron a súa convivencia no colexio os rapaces de MarCha da etapa Camiño, correspondente aos cursos de Bacharelato.
Venres e sábado compartiron un tempo de lecer de calidade, no que as dinámicas axudaron a reforzar os lazos de grupo e a coñecerse máis a si mesmos. Por suposto, sen esquecer momentos tan divertidos coma o xogo de rol de “Rock N. Rolley” ou a recreación nocturna dos Xogos da Fame.
Non obstante, o obxectivo destes días estaba alén do “simple” entretemento ou coñecemento, e non era outro que o valor da propia convivencia, de pasar tempo xuntos e compartir as ilusións e expectativas dun curso no que rapaces e monitores seguiremos a medrar xuntos a través das numerosas experiencias que virán durante o ano!
